Tumieni vema fedha za Tasaf awamu

Mkuu wa Wilaya ya Kongwa Bituni Msangi amewaagiza Viongozi wa Vijiji na Mitaa kuwakamata  Wananchi wanaotumia  vibaya fedha  za Tasaf awamu ya tatu   wa kunusuru kaya maskini hapa Nchini.

Mkuu huyo wa Wilaya aAametoa kauli hiyo jana kwa nyakati tofauti  alipofanya ziara ya kutembelea baadhi ya Vijiji kuangalia zoezi la ulipaji  ruzuku ya fedha za Tasaf  kwa Walengwa wa mapango  huo wenye lengo la kuzinusuru Kaya  maskini.  

Msangi  amewaagiza Viongozi hao kuwafuatilia na kuwakamata wale wanaotumia vibaya fedha  za  mpango wa Tasaf  kinyume na malengo ya Serikali ya kuzinusuru kaya hizo ambazo ni maskini .

“Ninawaagiza Watendaji wote wa mitaa na Vijiji kuwakamata mara moja Wananchi wale wanaotumia vibaya fedha za Tasaf kwa kuzinywea Pombe na kufanya maisha ya anasa, wapelekwe mahakani maana wanahujumu nia njema ya Serikali ya kuwatoa kwenye umaskini”alisema.

Alisema Fedha hizo zinatolewa na Tasaf ili kuzikwamua Kaya maskini kwa  kuongeza kipato  na  kuondoka kwenye lindi la umaskini ambapo awali Familia hizo walishindwa hata kupata mlo moja kwa siku.

Masangi alisema sehemu ya fedha hizo za ruzuku itumike kununulia chakula cha familia hasa kipindi hichi cha njaa ilitokana na ukame kwa miaka miwili iliyopita.

Aidha aliwashauri kubuni miradi midogomidogo kutokana na ruzuku hiyo wanayopatiwa ili kuwasaidia baadaye wakati wa ikomo wa mradi huo utakapofika kwa sababu  mapango huo ni wa muda maalumu.

Naye Mwenyekiti wa Halmashauri ya Kongwa White Zuberi alisema kutokana Serikali kuanza  kutoa elimu bure Wazazi hao wamesaidiwa kuepuka michango ambayo kipindi cha nyuma walitumia sehemu ya ruzuku hiyo kulipa ada za shule.

Amewawataka wasiishie kuwanunulia mahitaji peke yake pia wahakikishe wanafuatilia maendeleo ya Watoto wao  katika shule wanazosoma ili kujua kama wanafika huko na  baada ya kurudi wakague madaftari yao .

Kwa upande wake mratibu wa Tasaf Wilaya ya Kongwa Magesa Makaranga amesema  tangua kuanzishwa kwa mpango huo wa kunusuru kaya Maskini Nchini  mwaka 2014 Tasaf Wilaya hiyo  inatekeleza mpango huo katika vijiji 43 na malipo hayo ni ya awamu ya tisa.

Makaranga amesema kaya 8455 zimenufaika na mapango huo na mpaka januari mwaka huu  na wameshawalipa Walengwa zaidi ya shilingi bilioni 2.8 tangu kuanza kwa mradi huo.

Mwisho.

Share this: