Askofu Lupaa Amshauri Waziri Ndalichako

Askofu wa kanisa la Angilikana Dayosisi ya Rift Valley John Lupaa amemshauri Waziri wa elimu Joyce Ndalichako kushughulikia changamoto zinazozikabili shule za msingi Wilayani Manyoni.

      Askofu lupaa alitoa kauli hiyo jana alipotembelea shule ya msingi Sayuni iliyopo manyoni mjini na kukabidhi jumla ya madawati kumi na saba yenye thamani ya shilingi laki sita na elfu hamsini.

      Akikabidhi madawati hayo Lupaa alisikitishwa kuona wanafunzi wengi wakiwa hawana madawati na kulazimika kukaa chini .

      Kufuatia hali hiyo Askofu Lupaa aliiomba serikali kuziangalia kwa jicho la tatu shule zote za msingi Wilayani hapa ili kuboresha afya na elimu bora kwa wanafuni.

      Katika hatua nyingine Mwalimu mkuu wa shule hiyo Stanley Jumamosi amewaomba wadau mbalimbali wa elimu kujitokeza kuchangia madawati katika shule hiyo ili kuondokana na uhaba wa madawati.

       Mwalimu Jumamosi alisema pamoja na kwamba wana uhaba wa madawati lakini pia majengo hayatoshelezi kutokana na ongezeko kubwa la wanafunzi kufuatia tamko la Serikali kutoa elimu bila malipo.

      "Tunaishukuru Serikali kutambua changamoto ya elimu Tanzania na kuamua kutoa elimu bure lakini pia inapaswa kufanya utafiti upya kutokana na ongezeko la wanafunzi hali inayofanya kukosa madawati na vyumba vya madarasa."alisema.

        Aidha aalisema ruzuku inayotolewa na serikali kwa ajili ya kuendeshea shule haikidhi haja hali inayopelekea kushidwa kulipa baadhi ya garama za mlinzi maji na umeme.

        Pamoja na hayo Jumamosi aliwapongeza wanafunzi wa shule hiyo kwa ufaulu mzuri licha ya kukabiliwa na changamoto mbalimbali.

        Shule ya msingi Sayuni imekuwa na muonekano mzuri kielimu ambapo mwaka juzi ilifanikiwa kuwa ya kwanza kimkoa wakati mwaka jana ikashuka kiwango na kuwa ya pili ki wailaya hali inayosababishwa na msongamano wa wanafunzi wengi katika darasa moja.

    MWISHO

Share this: