Askofu Msaidizi wa Dar es Salaam ,awataka wenye mamlaka mbalimbali kusimamia haki.

Askofu Msaidizi Jimbo Kuu la Dar es Salaam Mhashamu Eusebius Nzigilwa amewataka waliopewa mamlaka na dhamana mbalimbali Katika jamii kusimamia haki na ukweli hata ikibidi kupoteza maisha kuliko kufuata mashinikizo na kufanya maamuzi yatakayoumiza Wasiokuwa na hatia.

Akihubiri katika ibada ya Ijumaa Kuu iliyofanyika kitaifa katika Kanisa Katoliki la Maximilian Kolbe Mwenge Askofu Nzigilwa amesema ni heri kujiuzulu kazi kuliko kufuata mashinikizo kwa maslahi ya watu kuvunja haki na amewataka wakristu kuishi maisha ya Sadaka kwa ajili ya kuinua wengine kama Yesu Kristu alivyokubali kutoa uhai wake kwa ajili ya ukombozi wa ulimwengu huku akiwaasa kuacha maisha ya visasi kwa kuwa sio maisha ya kikristu.

 

Aidha ameusia waumini kuacha tamaa na kuonesha upendo wa kweli kwa wengine badala ya kuwa wasaliti ili wasiwe sababu ya Kuumizwa kwa binadamu wengine.

 

Rais wa Jamhuri ya Muungano Mh.John Pombe Magufuli na mkewe amejumuika na mamia ya waumini kwenye ibada ya Ijumaa Kuu Katika Kanisa la mtakatifu Petro Oysterbay .

 

Share this: